منتديات بلدة حارس
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات بلدة حارس اهلا وسهلا بكم
 
الرئيسيةأحدث الصورالتسجيلدخول

 

 قصيده عن الام

اذهب الى الأسفل 
كاتب الموضوعرسالة
خـالد
مشرف
مشرف
خـالد


عدد المساهمات : 95
تاريخ التسجيل : 20/08/2008
الموقع : حارس

قصيده عن الام Empty
مُساهمةموضوع: قصيده عن الام   قصيده عن الام Emptyالخميس يوليو 23, 2009 12:32 pm

اليوم جايبة لكم قصيده روووعه عن الام وبنفس الوقت تعور القلب عجبتني وبكتني يارب تعجبكم واشوف ردودكم منورة الموضوع


خايف عليها من الثرى غطاها ولا الحصى حافي اخاف اذاها
اكرم عليها بالكفن يامطوع بالبيت ضل فراشها وغطاها
اكرم عليها بالكفن هذى امي واشهد عليها بما عطت يمناها
هذى الضحى والليل يتحرونه هذى السماء ونجومها تنعاها
هذى السوالف مثلنا تبكيها والارض تنشد عن اثر خطاها
هذى الكبيره كبير هذى الدنيا هذى العظيمه جل من سواها
ابكي عليها مو نهار وليله ولا سنه تمشي واعد قضاها
ابكي عليها كثر ماشلتني وكثر الحنين اللى اخطلط بغناها
وكثر الاسامي وكثر من سموها وكثر النجوم وكثر من يرعاها
ابكي عليها من القهر يادنيا من لى انا عقب فرقاها..؟؟
من فتحت عيني ولا خلتني وشوفوا ولدها بالقبر خلاها..؟؟
هل التراب بوجها ماقصر شفتوا ولدها كيف هو جازها
لو انها مكاني ماسوتها لكن اعز عيالها سواها
يالدود شفها ذابله جنبها انا ولدها وحاظر وافداها
قطعني هاك اللى تبي من جسمي بس الكريمه لاتجي بحذاها
بوصيك امانه قلها تعذرني وتكفي تروح تحب لى ماطاها
ابيها تغفر لى مثل ماكانت كل خمله مني بطيبها ترفها
يالله عساها بالنعيم الخالد وعساها بجنه عدن سكناها
يافضو هذا الكون ياهو خالى ياضيق هذى الدنيا يامقساها
يامر طعم فراقها يامره ماني مصدق ارجع ومالقها
وشلون اجي لغرفتها وماهي فيها وش عذري لسبحتها ومصلاها
شقول انا لدولابها لشنطتها واذا سألني مشطها وحناها
وعباتها وماي زمزم ومصحفها والمبخره ورشوشها ودواها
الكل في غرفتها متفقدها حتي الجدار مفطر ويرجاها
الكل يبكيها ماهو ناسيها يالله صبرني وشلون انساها
ياليتها ماراحت وخلتني او وسعت لى بالقبر وياها
الرجوع الى أعلى الصفحة اذهب الى الأسفل
 
قصيده عن الام
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتديات بلدة حارس :: المنتدى العام-
انتقل الى: